Hello beautiful Mommies welcome to my world ma-xpert.com yaha iss site par mai apni mistakes, experiences aur doctor’s k duggestions ko dhyan me rakhtey hue har mommy ki help krne ki koshish krti hu. Do Teenager betiya aur ek toddler bete ki maa honey k sath Mai ek teacher, blogger aur apne website ki sole author hu.
Motherhood ek bohot pyara ehsas hota hai jo pregnancy k sath shuru hota hai or bohot sarey khubsoorat lamho k sath agey badhta hai. Motherhood itna asan nhi hota lekin iski mushkile bhi bohot mitha ehsas deti hai. Pregnancy ki postive line se start honey wali ye journey khatti mithi yaado se bhari Hui hoti hai jisme ghar k har member ki equal contribution zaruri hoti hai jaise k husband or in-laws ka bhi equal contribution zaruri hota hai.
Memorable Journey of motherhood
Gender Excitement of motherhood
Motherhood ki ye journey bohot sarey yaadgaar lamhaat se bhari Hui hoti hai jisme sab se pehle pregnancy k ups and downs hotey hai fir delivery ki takleef or fir sab se pyara waqt hamarey baby ko first time hath me lena hota hai jisme humey duniya ki har Khushi apney baaho me mehsus Hoti hai.
Motherhood during pregnancy
Pregnancy ka time bohot memorable hota hai or sath hee sath bohot difficult bhi hosakta hai. Iss time me ghar k har member ko chaiye k wo pregnant aurat ka khaas khayal rakhe or usey positive atmosphere Diya jaye taaki pregnancy ka difficult time bhi khushi or asani se guzar jae.
Gender Excitement of motherhood
Iss article Motherhood Meaning in Hindi me janenge k kaise Pregnancy ki do positive line ki behad khushi k baad sabse pehla sawal Jo excitement se bhara hua hota hai wo hamare baby ka gender Prediction hota hai. Halaki India me gender reveal Krna doctors ko allowed nahi hota lekin bohot sari countries me ye 5th month ki anamoly sonography k sath honey wale parents ko bata Diya jata hai or fir gender reveal ki rasm adaa ki jati hai jisme relatives or friends ko ghar me nyota dekar baby k gender ko reveal Kiya jata hai.
India me baby gender related koi bhi baat Krna doctors se illegal activities me ata hai isliye hamare paas yaha koi option nhi bachta or hum sirf gender ko predict krsakte hai. Yaha par gender prediction k bohot sarey myths hai jinko follow Kiya jata hai. Gender Prediction k 5 myths ko maine yaha point out Kiya hai.
1. Posterior Placenta :
ye mana jata hai k agar placenta ki position posterior hai matlab garbh me ladka hai or agar placenta ki position interior hai matlab garbh me ladki hai. Jabki ye bilkul myth hai Jo kisi bhi professional doctor se proof nhi hota hai.
2. Baby movements :
old wives ka ye manna hai k agar garbh me baby ki movement zyada hai matlab ladki hai or agar movements kam hai matlab garbh me palne wala baccha ek ladka hai kyuki ya mana jata hai k ladke bohot lazy hotey hai toh unki movements kam hoti hai jabki ye bohot galat hai agar baby movements kam ho toh ye manney k bajae k garbh me ladka hai sabse pehle doctor se consult Krna chaiye kyuki kam baby movements dangerous hosakte hai.
3. Food cravings :
kuch logo ka ye manna hai ke agar pregnancy k time zyada mitha khaney ka Mann krta hai matlab garbh me ladki hai or agar junk and salty khaney ki zyada craving horahi hai matlab garbh me ladka hai. Jabki iska bilkul opposite mere sath hua tha jab mai pregnant thi. Meri dono betiyo k time mujhe salty craving hoti thi or bete k time bohot zyada sweet cravings hoti thi. Iss hisab se bhi ek myth prove hota hai.
4. Face glow :
bohot se logo ka manna hai k jab garbh me baby girl hoti hai toh face par glow bohot badh jata hai or agar baby boy hota hai toh face bohot dull hojata hai jabki ye bhi ek myth hai kyuki jab maine apne bete ko conceive Kiya tha uss time meri pregnancy me throughout mere face par bohot glow tha hence ye bhi ek myth proof hota hai.
5. Mood swings :
Old wives ka ye manna hai k jab hum baby girl ko carry krtey hai toh kuch extra hormones add nhi hotey hai matlab existing hormones me hee baby hota hai isliye mood swings zyada nhi hotey or iske opposite agar baby boy carry Kiya hota hai toh kuch extra hormones maa ki body me add hojatey hai jiski wajah se mood swings bohot zyada hai or chidchida pann rehta hai or ya baat kahi na kahi scientifically bhi right hosakti hai. Toh ye 50-50 percent myth hai
Overall motherhood bohot hee pyara experience hota hai jisey Puri tarah se enjoy Krna chaiye or positive environment me reham chaiye jisse baby k upar bhi positive impact hoga or healthy baby paida hoga. Positive healthy environment k sath hamein healthy diet ka bhi khaas khayal rakhna chaiye or craving ko ek limit me satisfy Krna chaiye.
Healthy diet k sath hamey iss baat ka bhi khayal rakhna chaiye k kuch aise food ya beverages hotey hai jinhey hamey Puri tarah se avoid Krna chaiye jiski waja se baby k brain or health development me problem ho sakti hai agey k kuch points me maine khaas aise food ko point out Kiya hai jinhe hum ne pregnancy k time khas tor pe avoid Krna chaiye.
– Alcohol
– Raw seafood
– High-mercury fish
– Undercooked eggs
– Excessive caffeine
– Excessive sugar
– Junk food
The Emotional Rollercoaster of Motherhood Meaning in Hindi
Mere article Motherhood Meaning In Hindi me hum ne Jana k kaise Motherhood emotions love and care se bharpur journey hoti hai. Baby k first step se lekar to sleepless nights aur baccho ki bimari k waqt me honey wali pareshani, ins sab time me ek maa khudko mazboot rakhti hai or bacche aur family ko bhi sambhalti hai. The emotional rollercoaster is part of the motherhood.